HISTORIKU
Asllan Karavidaj: 35 vite ekselencë në turizëm dhe networking
Udhëtimin tim profesional në fushën e turizmit e kam filluar në një periudhë sfiduese për popullin tonë, në vitet 1990, të cilat u karakterizuan nga ndryshime të mëdha dhe përparim në shumë fusha ekonomike.
Si ekonomist i diplomuar (ecc. dipl.), para 35 vitesh themelova kompaninë "Vector" në fushën e transportit dhe shërbimeve turistike. Në këtë mënyrë dhashë një kontribut të fuqishëm në forcimin e ekonomisë kosovare në vitet e rëndësishme për pozicionimin e shtetit të ri në të gjithë rajonin.
Vendosa themelet e një biznesi të suksesshëm të kompanisë në tregun vendor dhe ndërkombëtar. Njëkohësisht, gjatë 35 viteve ndërtova karrierën time të suksesshme në turizëm dhe në lidhjen e njerëzve tanë me botën, si dhe në menaxhimin e shërbimeve turistike të dedikuara për mysafirët e huaj.
Evolucioni dhe përvoja:
Gjatë më shumë se tre dekadave kam udhëhequr dhe zhvilluar strategjikisht biznesin, duke pasur parasysh stabilitetin dhe pozicionimin e kompanisë për të ardhmen. Falë vizionarizmit, fokusi ynë ishte në zhvillimin e biznesit në të gjithë rajonin, duke vendosur me sukses lidhje transporti për udhëtarët në linjat rrugore drejt Gjermanisë, Kroacisë, Malit të Zi dhe Maqedonisë së Veriut.
Me këtë qasje ndaj zhvillimit të biznesit, kemi forcuar pozicionin tonë lider në:
Aranzhimet turistike: Hartimi i paketave të plota dhe shërbimeve turistike brenda dhe jashtë vendit.
Bashkëpunimin institucional: Partneritete me organizata të tjera në Kosovë dhe në rajon për optimizimin dhe përmirësimin e transportit rrugor dhe menaxhimit të destinacioneve.
Rrjetëzimin global: Anëtar i IATA-s dhe bashkëpunim me gjigantë të aviacionit si Lufthansa, Austrian Airlines, Turkish Airlines, Swiss Air, Air France dhe shumë të tjerë.
Suksesi ynë në rajonin e Ballkanit është rezultat i cilësisë së stafit tonë dhe besimit të padiskutueshëm të klientëve tanë. Pikërisht klientët tanë na kanë shpërblyer me besimin e tyre dhe zgjedhjen e shërbimeve tona për shkak të veçantësisë dhe cilësisë së lartë.
Epokë e re: ASLLAN NETWORKING & SERVICES IN TOURISM
Udhëtimin tim sipërmarrës e vazhdova më 6 dhjetor 2025, kur themelova ASLLAN NETWORKING & SERVICES IN TOURISM.
Kjo kompani e re është një sinergji e përvojës dhe traditës shumëvjeçare me vizionin e menaxhimit modern të destinacioneve dhe shërbimeve të rrjetëzimit në turizëm, si dhe një prani e fortë në tregun e Kosovës dhe të gjithë rajonit.
Të gjitha këto janë kombinuar në një mënyrë që klientët tanë të kenë vetëm një adresë: ASLLAN NETWORKING & SERVICES IN TOURISM
